*Uppáhaldsísinn*

Þau eru ófá skiptin sem ég hef skrifað um Paradís-ísinn hér á þessari heimasíðu og hef ég nú fundið enn eitt tilefni til að skrifa um þetta góðgæti. Við skruppum til Danmerkur í síðustu viku þar sem ýmislegt var brallað svo sem dýragarður, tívolí og matsölustaðir. Einn staður sem var heimsóttur oftar en einu sinni var að sjálfsögðu Paradís. Þessi æðislegi ís sem mér þykir svo góður var alveg eins og ég hafði munað eftir, algjört æði.
Mér þótti það þess vegna hræðilegar fréttir þegar mér var sagt að Paradís fær oftast fall einkunn hjá heilbrigðisyfirvöldum vegna skort á hreinlæti. Þetta hefur verið fjallað um í fjölmiðlum þar ytra og hefur staðurinn ekki náð að bæta sig þrátt fyrir gagnrýni.
Ég lét þessar fréttir samt ekki hafa nein áhrif á mig enda kominn í himnaríki þegar ég er kominn með Paradís-ís í hendurnar og því alveg sama þó einhver hafi verið að skíta í jarðaberjaísinn.

Flokkar: Danmörk, Matur og vín, Neytandinn

- dóri skrifaði 17:24